ချစ်ခြင်းမေတ္တာ

 

စားပွဲအနီး၌ စစ္စတာ ဒေါ်မိုးသူနှင့် ဆရာဝန်မလေး ပြန်ရပ်နေကြပြီး ရှေ့၌
ပင်နီရင်ဖုံးဝတ် အမေအိုတစ်ဦးနှင့် မိန်းမပျိုတစ်ဦးလည်း ရပ်နေကြ၏။

" နောက်ဆုံးလူနာပါပဲ ဆရာ" ဟု သူနာပြုဆရာမလေးက ကြည်လင်သော အသံဖြင့်ဆို၏။

နှင်းငွေသည် ပင်နီရင်ဖုံးအင်္ကျီနှင့် အမေအိုကို ကြည့်သည်။
အမေအိုက သူ့ကို ပြုံးပြုံးကြီး စိုက်ကြည့်နေ၏။ သူကလည်း ပြန်ပြုံး၏။
အမေအိုသည် အသက် ခြောက်ဆယ်ခန့် အနည်းဆုံးရှိပြီ။
နှင်းငွေသည် စားပွဲရှေ့မှ ကုလားထိုင်ကို ညွှန်ပြပြီး ဆို၏။

" ထိုင်ပါ ...... ထိုင်ပါအမေ"

အမေအိုသည် မထိုင်သေးဘဲ ပြုံးပြုံးကြီးပင် သူ့ကိုကြည့်နေ၏။
အမေအို၏ မျက်လုံးများသည် အပျိုမတစ်ဦး၏ မျက်လုံးများကဲ့သို့ မကြည်လင် မရွှန်းပသော်လည်း အပြစ်ကင်း သန့်စင်နေ၏။
ဤအခိုက်အတန့်တွင် ထူးခြားစွာ တောက်ပလျက်လည်း ရှိသည်။
နှင်းငွေက ထပ်မံ တိုက်တွန်း၏။

" ထိုင်ပါ ...... ထိုင်ပါအမေ"
အမေအိုသည် ပြုံးရွှင်စွာဖြင့် အားလုံးကို ကြည့်လိုက်ပြီး ဆို၏။

" ဆရာအကြီးကြီးရှေ့မှာ အဘွား ထိုင်ထိုက် မထိုင်ထိုက်"

ဤအသံဝဲ၀ဲမျိုးကို နှင်းငွေ ကြားဖူးလှပြီ၊ ဤစကားမျိုးကိုလည်း နားလည်ခဲ့ပြီ။
" " ထိုင်ပါ .... အမေ ထိုင်ပါ၊ အမေထိုင်ရင် ကျွန်တော် ထမင်းစားလို့ ချိုမယ်"
အမေအိုသည် အားရးပါးရ ရယ်မော၏။

" အမေထိုင်ရင် ဆရာကြီး ငါ့သား ထမင်းစားလို့ချိုမယ်၊ ဟား ဟား၊ မချိုမရှိသကော ၊ ချိုကိုး၊ ဆာဓု...ဆာဓု၊ အမေထိုင်ရော"

အမေအိုသည် ကုလားထိုင်၌ ကျကျနန၀င်ထိုင်၏။ ထိုင်ပြီးနောက်လည်း ဒေါက်တာကို ပြုံးပြုံးကြီး ဆက်ကြည့်နေပြန်၏။

ဘာကြောင့်မသိ နှင်းငွေ၏ စိတ်ဓါတ်မှာ ရွှင်ပျလာ၏။
အမေကိုမေးသော သား၏ လေသံဖြင့်မေး၏။

" အမေ နေမကောင်းဘူးလား"
" အို...အမေ နေကောင်း၊ သိပ်ကျန်းခန့်"
" ကျန်းခန့်သားနဲ့ အမေဘာလို့ ကျွန်တော်နဲ့ လာတွေသလဲ"
" အမေ ထီပေါက်တယ်"
" ခင်ဗျာ "

အမေအိုသည် လက်ငါးချောင်းထောင်ပြ၏။
" ငါးဆောင်း ၊ ငါးဆောင်း"
" သြော် .... အမေ ထီငါးသောင်းပေါက်တယ်၊ ဟုတ်ကဲ့ "

အမေအိုသည် တုန်ယင်သောလက်ဖြင့် ရင်ဖုံးအကျီအတွင်းမှ တစ်စုံတစ်ခုကို နှိုက်ယူသည်။ ထို့နောက် ထိုတစ်စုံတစ်ခုကို
လက်ဖ၀ါးထက် တင်လျက် ပြ၏။

ပုလဲနားကပ်တစ်ရန်ဖြစ်၏။ ရွှေမှာ သစ်လွင်နေ၏။ ပုလဲတို့ကား အိုမင်း၍ အရောင်မရှိလှပြီ။ ပုလဲအကောင်းစား ဟုတ်ဟန်မတူ၊ သေးလည်း သေးငယ်၏.
နှင်းငွေ၏ မျက်လုံးများပြူးသွား၏။

" အမေ ကျွန်တော် ဘာလုပ်ရမှာလဲ"

အမေအို၏ နှုတ်ခမ်းများလှုပ်လာ၏။ အမေအိုသည် နှင်းငွေ နားလည်အောင် ပြောပြနိုင်ဖို့ ကြိုးစားနေဟန်ရှိ၏။ လက်လျှော့လိုက်ဟန်ရှိပြီး မြေးပျိုမဘက် လှည့်ပြော၏။

သူငယ်မသည် ဒေါက်တာ့ကို တစ်ချက် မရဲတရဲကြည့်၏။
ထို့နောက် မျက်လွှာချပြီး စကားပြန်၏။

" အဘွားနှင့် အဘိုးဟာ သိပ်ဆင်းရဲတယ်တဲ့၊ သစ်သီးသစ်ရွက်ပဲ စိုက်စားခဲ့တယ်တဲ့၊
သူတို့ လက်ထက်တုန်းက အဘွားကို အဘိုးက ကတိတစ်ခု ပေးခဲ့တယ်တဲ့၊
အဘွားကို နားကပ်လုပ်ပေးမယ်တဲ့"

သူငယ်မသည် စကားကုန်သွားဟန် အမေအိုကို ပြန်ကြည့်သည်။
နှင်းငွေတို့ နားမလည်နိုင်သော စကားဖြင့် အမေအိုသည် သွက်လက်စွာ ပြန်ပြော၏။

" ကလေးတွေ အများကြီးမွေးရတော့ ပိုက်ဆံမရှိဘူးတဲ့၊
ဒါပေမယ့် အဘိုးက ပုလဲနှစ်လုံးတော့ ၀ယ်ပေးတယ်တဲ့၊
ရွှေဖိုးမရှိလို့ နားကပ်မလုပ်နိုင်ဘူးတဲ့၊ အခု အဘိုးလဲ သေသွားပြီတဲ့"

သူငယ်မလေးသည် အမေအိုကို ပြန်ကြည့်သည်။
အမေအိုက စကားပြောပြန်သည်။ ဤအကြိမ်၌မူ အမေအို၏ မျက်လုံးများမှ မျက်ရည်များကျလာ၏။
သူငယ်မလေးကလည်း ဆို့နင့်သောလေသံဖြင့် စကားဆက်ပြန်၏။


" အခု အဘွား ထီပေါက်တယ်တဲ့၊ ပိုက်ဆံတွေကို လှူပစ်မှာပဲတဲ့၊ နားကပ်တော့ လုပ်ထားတယ်တဲ့၊ ဒါပေမယ့် သူ့မှာ နားပေါက်မရှိဘူးတဲ့၊
နားဖောက်ခိုင်းရင် လူတွေက ရယ်ပြီး မဟုတ်တာ ပြောတယ်တဲ့၊
အဘွား သူငယ်မပြန်သေးဘူးတဲ့"


နှင်းငွှေက ငြိမ်သက်စွာနားထောင်နေ၏။ စစ္စာဒေါ်မိုးသူသည် အံကိုခဲထား၏။
စစ္စတာမျက်လုံးများ၌ မျက်ရည်များဝဲနေသည်။
အမေအိုက ဆက်ပြောပြန်သည်။ သူငယ်မလေးက ဘာသာပြန်ပြ၏။

" အဘိုးက အင်းသားပါတဲ့၊ သူက ဓနုပါတဲ့၊ အင်းသားနဲ့ ဓနုတွေဟာ မဟုတ်တာမပြောပါဘူးတဲ့၊ ဆေးရုံကြီးအကြောင်းလည်းသူသိပါတယ်တဲ့၊
ဗိုက်ကွဲပြီး အူပေါက်တာကို ချုပ်ပေးနိုင်တာ သူသိပါတယ်တဲ့၊ သူ့ကို နားဖောက်ပေးပါတဲ့၊ ဆေးရုံကြီးကို သူ အများကြီး လှူပါမယ်တဲ့"

အမေအိုသည် မြန်မာစကားကို ရေလည်စွာ မပြောတတ်လင့်ကစား မြန်မာစကားပြောခြင်းကိုမူ ကောင်းစွာနားလည်ဟန်တူ၏။

မြေးပျိုမလေး၏ စကားအဆုံး၌ အမေအိုသည် နှင်းငွေဘက်သို့ လှည့်ပြီး ခေါင်းညိတ်လျက် ပြုံးပြရှာ၏။ ပါးများပေါ်တွင်မူ မျက်ရည်ကြောင်းများ စီးလျက်။

နှင်းငွေရင်၌ ခံစားမှုများ ပြည့်လာသည်။ ကြည်လည်းကြည်နူးမိသည်၊
ဝမ်းလည်းနည်းမိ၏။
ယခုတိုင် ဖြန့်ထားလျက်ရှိသေးသော အမေအို၏ လက်ဖ၀ါးထက်မှ
နားကပ်များကို ကြည့်မိ၏။

လူသာအိုမည်၊ နှလုံးသားက အိုချင်မှ အိုမည်။ အိုလေသည့်တိုင်အောင် နှလုံးသားသည် နုပျိုစဉ်က တွယ်တာခဲ့ရသော
သံယောဇဉ်များကို ထိန်းသိမ်းထားပေမည်။
မိမိပင် ချစ်လှစွာသော နုနုငယ်၏ စာလေးများကို သိမ်းထားဆဲဖြစ်၏။
တစ်ခုတည်းသော နုနုငယ်၏ ဓါတ်ပုံကလေးကိုလည်း သိမ်းထားဆဲဖြစ်၏။
နုနုငယ်၏ စာများက ၀ါညိုစပြုပြီ၊ နုနုငယ်၏ ဓါတ်ပုံကလေးကလည်း မှုန်ဝါးစပြုပြီ။

အမေအိုသည် ဤဘ၀၌ မရှိတော့ပြီဖြစ်သော ချစ်သူအဘိုး၏ လက်ဆောင်
ပုလဲညိုနှစ်လုံးနှင့် ဘာများခြားပါသနည်း...။
နှင်းငွေသည် ပြုံးရင်း မျက်ရည်ဝဲလျက်ဆို၏။   

" အမေ့နားကို ကျွန်တော် ဖောက်ပေးပါ့မယ်၊ ကောင်းကောင်းလှလှ ဖောက်ပေးပါမယ်၊ အမေဘယ်တော့ နားဖောက်ခံမလဲ"

အမေအို၏ မျက်နှာ၌ အပြုံးကြီး ပြန်ပေါ်လာ၏။
အမေအိုသည် လက်ချောင်းများကို ချိုးလျက် ရေတွက်နေ၏။

" နေ့ကောင်းရက်သာ လာဖောက်ရင် ဆရာကြီး ခွင့်ပြုမပြု"
" ကြိုက်တဲ့နေ့ အမေလာပါ၊ ကျွန်တော် ဖောက်ပေးပါ့မယ်၊ အမေကျေနပ်ပြီလား"

အမေအိုသည် နေရာမှ ထသည်၊ အပြုံးကြီးပြုံးလျက်နှင့် အရေတွန့်သော သူ့လက်ကြီးတစ်ဖက်ဖြင့် နှင်းငွေ၏လက်ကို လှမ်းကိုင်၏။

" နှလုံးကောင်းဆရာကြီး ဆာဓု.... ဆုဓု "
အမေအိုနှင့် မြေးပျိုမလေးတို့ ထွက်သွားကြ၏။

သူတို့ကို မျက်ရည်ဝဲလျက် ငေးကျန်ကြည့်နေရာမှ နှင်းငွေသည် လှည့်ကြည့်လိုက်၏။


မိမိက မျက်ရည်ဝဲရုံ ၀ဲမိသည်။
ဖြူမွတ်သန့်စင်သော စစ္စတာဒေါ်မိုးသူ၏ ပါးပြင်ထက် စီးကျလျက်ရှိသော မျက်ရည်များကို ဒေါက်တာနှင်းငွေ မြင်ရလေသတည်း...။
-

-
-
-

-
-
-
-

-
-
-
-
-
-
-

-
-
-
-
-
နောက် တစ်ပါတ်ခန့်အကြာ ဒေါက်တာ နှင်းငွေ၏ ရုံးခန်းအတွင်း၌ဖြစ်သည်။
စားပွဲပေါ်၌ ပန်းများရှိနေ၏။ ပန်းများထံမှ ရနံ့များကြိုင်နေ၏။

ဟိုးတစ်ရက်က လာခဲ့ဖူးသော အမေအိုသည် စားပွဲရှေ့၌ ပြုံးပြုံးကြီးထိုင်နေ၏။ အနီး၌ မြေးမကလေးသည် ရှက်ပြုံးပြုံးရင်း ရပ်နေ၏။

စားပွဲပေါ်၌ ရွှေချိတ်ကောက်နှစ်ကွင်းသည် ကတ္တီပါခင်းဘူးထက်တွင် တင့်တယ်စွာ ရှိနေ၏။

စစ္စတာဒေါ်မိုးသူ အကူအညီဖြင့် နှင်းငွေသည် အမေအိုကို နားဖောက်ပေး၏။
နားဖောက်ပြီးသောအခါ အမေအို၏ နားတွင် ရွှေချိတ်ကောက်နှစ်ကွင်းကို နှင်းငွေက ဆင်ပေး၏။

" အမေ နာပါသလား "
" အိုး....နာတယ် မရှိသကိုး"
" အမေ ... လှသွားပြီ "
" လှတဲ့သူက လှတယ်ပြောမင့် အမေ ယုံသကိုး "

အမေအိုသည် ဟက်ဟက်ပက်ပက်ရည်လိုက်ပြီး နှင်းငွေ၏လက်ကို လှမ်းဆုပ်လိုက်၏၊ နှင်းငွေကလည်း ပြုံးရွှင်ရယ်မောရင်း အမေအို၏လက်များကို ယုယစွာ ပြန်ဆုပ်ကိုင်၏။

" အမေ့နားက အနာ မယဉ်းစေရဘူး၊ ဆေးမီးတိုတွေ လျှောက်မထည့်ရဘူးနော်၊ ဆယ်ရက်ဆိုရင် နားကပ်နဲ့ အမေပြန်လာခဲ့၊ ကျွန်တော်ကိုယ်တိုင် ပန်ပေးမယ် "

" အို .... မလာလား "

အမေအိုသည် မြေးငယ်မထံ နှင်းငွေတို့ နားမလည်သော စကားဖြင့်ဆို၏။
မြေးငယ်မက လွယ်အိတ်အတွင်းမှ ငွေစက္ကူထုပ်ကို နှိုက်ယူ၏။

မြေးမထံမှ ငွေစက္ကူထုပ်ကို ယူပြီး အမေအိုသည် နှင်းငွေကို လှမ်းပေး၏။
" တစ်ထောင်၊ တစ်ထောင်တိတိ" ( မှတ်ချက်၊ တစ်ထောင်ဆိုသည်မှာ
ထိုခေတ်ထိုအခါက များပြားလှသော ငွေကြေးဖြစ်သည်။

" အို .... အမေ ... ကျွန်တော် ငွေမယူဘူး "
" ငါ့သား.... ဆရာက ... တစ်ထာင်နည်းတယ် ပြောတာဟုတ်မဟုတ်"

နှင်းငွေသည် ကြည်နူးစွာပြုံး၏။ ၀မ်းနည်းစွာလည်း ငြင်းရ၏။

" ကျွန်တော်တို့ ဒီဆေးရုံကြီးမှာ ငွေမယူပါဘူး အမေ "
" ငွေမဟုတ်ကော၊ ဒါန လုပ်သကော "
" အမေ ဒါနလုပ်ချင်ရင် ဆေးရုံအုပ်ကြီးနဲ့သွားတွေ့ပါ၊ ဘယ်လိုဒါနလုပ်ရမယ်ဆိုတာ ဆေးရုံအုပ်ကြီးက အမေ့ကိုပြောပါလိမ့်မယ် "

နှင်းငွေ၏စကားကို နားမလည်ဟန်ဖြင့် အမေအိုသည် မြေးမလေးကို ကြည့်မေး၏။ မြေးမလေးက ရှင်းပြ၏၊ နားလည်သွားဟန်တူသော
အမေအိုသည် နှင်းငွေဘက် လှမ်းကြည့်ပြီးဆို၏။

" ဆာဓု ... ဆာဓု ... ဆာဓု... ၊ အတ်ဆဟိဆမရှိသကော၊ ပရဟိဆရှိသကော၊
ဆာဓု ... ဆာဓု ... ဆာဓု..."

အမေအိုနှင့် မြေးမလေးသည် အခန်းတွင်းမှ ထွက်သွားကြ၏။
စစ္စတာဒေါ်မိုးသူက နှင်းငွေ၏ မျက်နှာကို လှမ်းကြည့်သည်။
နှင်းငွေသည် ပီတိပြည့်စွာ ပြုံးနေလေ၏....။


-----------------------------------------------------
ဆရာကြီး တက္ကသိုလ်ဘုန်းနိုင် ရေးသားခဲ့တဲ့ ၀သန်လေချိန်မှန်ကူးစာအုပ်ထဲမှ
ကျွန်တော်နှစ်သက် သဘောကျမိသော စာစုလေးကို
သူငယ်ချင်း၊မိတ်ဆွေများလည်း ဖတ်ရအောင် စာရိုက်ပြီးပြန်တင်ပေးလိုက်တာပါခင်ဗျာ။
အထက်ပါ စာစုလေးကိုဖတ်ပြီးတဲ့အခါ ၀မ်းသာ၊ ၀မ်းနည်းလည်း ဖြစ်မိပါတယ်။

ဝမ်းသာတာကတော့ သစ္စာနဲ့ယှဉ်တဲ့ချစ်ခြင်းမေတ္တာကို ဥပက္ခာမပြုခဲ့တဲ့ အထူးကုဆရာဝန်ကြီး ဒေါက်တာနှင်းငွေနဲ့ အဘွားအိုရဲ့အဘိုးအပေါ်ထားရှိခဲ့တဲ့ မေတ္တာတရားတို့ရဲ့ အေးချမ်းမှုကိုပါ။

ဝမ်းနည်းမိတာကတော့ ယနေ့အချိန်မှာ ကျွန်တော်တို့ဟာ ရုပ်ဝတ္ထုတွေနောက်ပြေးလိုက်ရင်း....
ကိုယ်ကျင့်တရားပိုင်းအပါအ၀င် စိတ်တွေဟာလည်း
ကျွန်တော်တို့ သတိမပြုလိုက်ခင်မှာပဲတဖြည်းဖြည်းနဲ့ ညစ်နွမ်းလို့လာခဲ့ပါပြီ။


>>> အထက်တွင် ဖော်ပြခဲ့သော စာစုတွင်ပါရှိသော ဆေးရုံကြီးမှာ အခြားဆေးရုံကြီးမဟုတ်။ တောင်ကြီးမြို့မှ စပ်စံထွန်းဆေးရုံကြီးပင် ဖြစ်လေ၏။ ဆိုဗီယက်ဆိုရှယ်လစ် ရုရှဗိသုကာများ တည်ဆောက်ခဲ့သည်ဟု မှတ်သားခဲ့ရဖူး၏

- From fb