ရေဗူးပေါက်တာ မလိုချင်ဘူး ၊ ရေပါတာပဲ လိုချင်တယ် ....ဆိုတဲ့ စကား
အတော်များများ လက်မခံချင်ကြဘူး ။
ရေဗူးပေါက်တာ မလိုချင်ဘူး၊ ရေပါတာပဲလိုချင်တယ် ... ဆိုတဲ့ အဓိပ္ပါယ်နဲ့
ရေဗူးပေါက် နဲ့ ရေခပ်ပါ ... ဆိုတဲ့ အဓိပ္ပါယ်က အတော်ကွဲပါတယ် ။
ဒါပေမဲ့ ရေဗူးပေါက် တာမလိုချင်ဘူး ၊ ရေပါတာပဲလိုချင်တယ် ဆိုလိုက်တာနဲ့
ရေဗူးပေါက် နဲ့ ရေခပ်ရမယ် ဆိုတဲ့ mindset ကြီး က ကိုယ့် အတွေးခေါ်ခံယူချက်တွေကိုဘောင်ခတ်ပစ်လိုက်တယ် ။
အဲဒီအခါ လက်တွေ့ အခြေတွေ နဲ့ ကင်းကွာပြီး ...
လုပ်ဆောင်ရမဲ့ နည်းလမ်းတွေကို ရှာတွေးကြံဆဖို့ အလိုလို ပိတ်ပင်သွားရတာပါပဲ ။
လူ့ဘဝ ဆို တာ ဟာ ....ဒီအရပ်မှာတော့ ဒီဖိနပ်စီး ၊ ဒီခရီးကိုဒီထီးဆောင်း ၊
ဒီလမ်းသွားတော့ ဒီပန်းပန် ၊ ဒီအချိန်ဆိုရင် ဒီထမီဝတ် ၊
ဒီအခါ မှာ တော့ ဒီပုဝါခြုံ ရယ်လို့ if ...else ...statement တွေ နဲ့
ကြိုရေးထားတဲ့ Program မဟုတ်ပါဘူး ။
ရေဗူးအကောင်း နဲ့ ရေခပ်ခွင့် ... ဆိုတာလည်း
အမြဲတစေရနေလိမ့်မယ်လို့ မျှော်လင့်လို့ မရဘူး ။
လက်ထဲမှာရေဗူးအပေါက်ကြီးရှိနေပေမဲ့ ရေပါအောင်ခတ်ရမဲ့ အခြေနေတွေလည်းမလွဲမသေရှိလာ ကြဦးမှာ ။
အခက်အခဲ ၊ အကျပ်အတည်းတွေ ကြားမှာ ရေဗူးပေါက်ပဲရှိနေပေမဲ့ ..
ရေခပ်ရမဲ့ အခြေနေတွေ ကို ဘဝက မလွဲမသွေတောင်းဆိုလာဦးမှာပါ ။
အချိန်အခါတွေက ခိုင်းစေလာဦးမှာပါ ။
အဲဒီအခါ ပေါက်နေတဲ့ ရေဗူးကိုဖာလို့ရရင်ဖာပါ ။
မရရင်လွှင့်ပစ်လိုက်ပါ ။ တခြား ဘယ်နည်းနဲ့ ရေရနိုင်မလဲ ။
ပုလင်းနဲ့ လား ၊ ပုံးနဲ့လား ၊ အိုးနဲ့လား ၊
ယုတ်စွ အဆုံး ... လက်ခုပ်နဲ့လား ၊ ပါးစပ်နဲ့ငုံပြီး ခပ်မှာလား ။
ကိုယ့် အသိဥာဏ်နဲ့ သာချင့်ချိန်သုံးစွဲ ဖို့ပါ ။
မေးခွန်းကို ရှင်းရှင်းလင်းလင်းသိခြင်းဟာ ၊ အဖြေတစ်ဝက်ရရှိခြင်းပါပဲ ။
ရေဗူးပေါက်တာမလိုချင်ဘူး ၊ ရေပါတာပဲလိုချင်တယ် ဆိုတဲ့ ပုစ္ဆာမှာ ...
ရေရချင်တာ ဟာ အဓိက လိုလားချက်ပါ ။ ရေဗူးပေါက်တာဟာ
အခြေနေတစ်ခုသာဖြစ်ပါတယ် ။
နေမဝင်အင်ပါယာကြီး နဲ့ ပုခုံးချင်းယှဉ်ပြီး ဆီမီးခွက်မင်းသားလေး အောင်ဆန်း အပြိုင်လင်း နိုင်ခဲ့တာဟာ ... ရေဗူးပေါက်ပဲ ပိုင်ပေမဲ့ ၊
ရေရအောင်ခတ်နိုင်ခဲ့ တဲ့ အရည်ချင်းတွေကြောင့် ပါ ပဲ ။
ရေဗူးပေါက် နေပေမဲ့ ရေရအောင်ခတ်နိုင်တဲ့ ခါ အောင်မြင်မှုတွေက
ခင်ဗျားကို လက်ခုပ်တီးပြီး ကြိုနေပါလိမ့်မယ် ။
0 comments:
Post a Comment