အလောင်းလေး တစ်လာင်းမြေခလို့
လွတ်နေတဲ့ အိပ်ကပ်လေး
ရင်ခွင်ပိုက်ထားတဲ့မိသားစုပုံလေးတစ်ပုံ
တမ်းတတဲ့စိတ်နဲ့ သူသေခဲ့ရတယ်
အမိအိမ်နဲ့ ခွဲခွာလာတာ နှစ်တွေကြာခဲ့ပြီလေ
အိမ်ပြန်မရောက်နိုင်တော့တဲ့
သူ့ခန္တာလေးမြေခလို့ မြုပ်ပေးသူမရှိ
ကျီးထိုးထိုး လဒဆွဲဆွဲ
သူချစ်ခဲ့ဖူးတဲ့ ကျည်တစ်တောင့်
နှလုံးသားထဲ သိမ်းထားတယ်
သူလွမ်းခဲ့ရတဲ့ အမိအိမ်လေး သူပြန်ရောက်တော့
အဝတ်လေးတစ်စုံကိုဖက်ငိုနေတဲ့
သူ့ မိဘနဲ့ ကိုယ်ဝန်သည်ဇနီး
သူ နားမလည်စွာ ငေးကြည့်မိနေတုန်း
သူ တပ်ရောက်မှသိလိုက်ရတဲ့ အသိ
သူချစ်မြတ်နိုးစွာ တာဝန်ထမ်းဆောင်ခဲ့တဲ့
တပ်မတော် နှင့် သူ သက်ဆိုင်ခြင်း
မရှိတော့ဘူးဆိုတဲ့ အမိန့်တစ်ခု
ဒါဟာသူ့အတွက် နောက်ဆုံးသော
အမိန့် နာခံခြင်းပေလော......။
ကျဆုံးသွားသော တပ်မတော်သားများအား
အစဉ်လေးစားဦးညွတ်လျက်
ရေးသားသူ - လမ်းပြ ကြယ်
0 comments:
Post a Comment